Aimargues, lou 2 de mars 2014

Midamo, Midamisello
Messiés
Cars amis

A la debuto de l’annado, pèr aquelo journado en l’ounour de Madamisello Fanfouno Guillierme es la fe que nous acampo vuei.
La fe di biòu
La fe di chivau
La fe de la lengo
et subretout la fe de nosto Camargo

Aquest’an es une annado richo en evenimen... d’abord li cent-an de la despartido de Frederi Mistral aquèu mestre que reçaupié en 1904 lou pres Nobel de Lirteraturo pèr soun obro, si pouesio lirico "Lis isclo d’Or, lou Tresor dou Felibrige" e tant d’autro.
Lou 21 de Mai 1854 fai 160 d’acò castèu de Fount Segugno à Castèu nòu de Gadagno, Mistral e si dès primadié creeron lou Felibrige.
En 1904 au mas de l’Amarèu à la demando de Mistral, lou Marqués Folco de Baroncelli emé quauquis ami creeron lou Coumitat Vierginen que en 1909 devengué la NAcioun Gardiano, qu’a pèr toco de mantèni e glourifica lou coustume d’Arle, lis Us et coustumo de la Camargo e di pais taurin, perpetua la lengo , espandi la doutrino felibrenco dins l’esperit mistralen.
Vuei dins aquéu bèu rassemblamen , vau vous douna uno esplicacioun ; lou noum de Nacioun Gardiano es reserva esclusivamen à la Nacioun Gardiano pèr acampa darrié soun fanioun li gardian e gens de bouvino e roussatino fin de manteni li tradicioun dins l’esperit felibren. Degun a lou dre de s’en servi.
Vous dise acò perqué i’a quàuqui jour un group de cavalié se n’en soun servi.

Encaro voudrièu vous dire que en 1904 fugué creado la manado Raynaud dou Grand Radèu que festejo aquest’an li 110 an.
Mai tambèn lou riban de Prouvènço d’Avignoun per si 90 an, group qu’es toujours ana de coutrio emé la nacioun.

Acabarai ma dicho pèr li mot simple dóu mèstre de Maiano

"Quau tèn la lengo, tèn la clau que di cadeno lou deliéure"

Bono journado en tóuti.

)

Ce même jour : L’Hommage à Fanfonne Guillierme 2014 à Aimargues
L’hommage de la XXIème Reine d’Arles à Fanfonne Guillierme