Accueil du site > us et coutumes > les journées de tradition > Discours en hommage à d’Arbaud

Discours en hommage à d’Arbaud

Fête des Gardians 2010

Remi Venture est l’archiviste de la confrérie des Gardians de Saint Georges, vice président du collectif Provence et Majoral du Félibrige. Autant de fonctions qui le désignait pour rendre au poète disparu il y a 60 ans.

Joseph d’Arbaud a magnifié les Rièges et la Camargue autour.

Son souvenir est encore vif sur cette terre où fleurit le sel.

JPEG - 168.1 ko
Roumié VENTURO

Dicho de Roumié VENTURO
1é de Mai 2010 pèr la Fèsto di Gardian, 60en anniversàri de la mort de J. d’Arbaud, davans l’estatuio de F. Mistral

DVT_C006_100501_1007
IMG/mp3/DVT_C006_100501_1007.mp3

Moussu lou Maire,
Gènto Rèino d’Arle e si Damisello d’Ounour,
Midamo e Messiés lis Elegi,
Cars ami,

Coume chasque an, e segound la tradicioun nostro, nous vaqui davans l’estatuio de Frederi Mistral pèr ounoura la-n-auto memòri de l’escrivan que marquè la debuto, en coumpagno de sis ami Jóusè Roumaniho e Teoudor Aubanèu, de la Reneissènço prouvençalo que n’en sian si jitello, dins aqueste siecle vint-unen. La Counfrarié di Gardian de Sant-Jòrgi amarié vuei d’assoucia au souveni mistralen la grando figuro de Jòusè d’Arbaud, qu’es, aquest an, lou siessanten anniversàri de sa mort. Es que i’a de liame founs entre la Camargo, nosto Soucieta, e l’autour dou Lausié d’Arle e de La Bèstio dóu Vacarés…

IMG_6337Lou Pouèto-Gardian fuguè mumbre de nosto Counfarié. Fuguè subre-tout, enca mai que soun ami emai cousin Folcò de Barouncèlli, liga à la terro d’Arle, sa bouvino, e sa roussatino. Tant coume lou fasien, à l’epoco, li pelot de Camargo, de Crau, e dóu Plan dóu Bourg, avié uno manado de biòu crousa. E tant coume éli, avié soun tenamen dins lou Plan dóu Bourg, valènt-à-dire au Claus dóu Radèu, proche dóu Mas Thibert… Touto soun obro s’enracino dins lou mume terraire ; de l’Auturo, ounte fuguè abari Jaume Roubaud, lou eros de La Bèstio dóu Vacarés, fin qu’is Areno d’Arle, decor de sa nouvello Lou Regret de Pèire Guihèn… Sènso óublida lou recuei pouëti Lou Lausié d’Arle, qu’aquéu noum es uno bello provo de l’estacaman dóu pouèto à nosto vilo. E ramentaren aqui que tóuti aquéli trobo fuguèron escricho dins la lengo drudo e ruffo que parlavon, antant, nòsti davancié gardian de Camargo, de Crau e dou Plan dóu Bourg. Coume l’afourtiguè proun justamen i’a un vintenau d’an Jaque Espèlli dins un libre counsacra i biòu de Camargo :

« La Bête du Vaccarès, je m’ai lue deux fois et je la relirai volontiers. Elle est écrite sur les Rièges, et j’ai vécu 15 ans sur les Rièges, mes plus belles années (…). Alors je me sens dans La Bête du Vaccarès un peu comme le gardian qui est l’acteur de ce livre (…). Il y a beaucoup de livres écrits sur la Camargue. Mais au point de vue poétique, le premier de tous, pour moi c’est La Bête du Vaccarès… ».

Es pèr tout acò que voulian vuei assoucia lou souvenir de d’Arbaud à lou de Mistral, redisènt mai pèr acaba aquéli vers tira dou Lausié d’Arle, e que fuguèron marca, proche de la Majour, à coustat dóu lausié que planterian, i’a dès an, sus l’Auturo :

Vers tu, ma Raço seriouso,
Vène libre, amourous e fort ;
Apararas moun noum, pïouso,
De l’óublidanço e de la mort.
E quand passa li jour de lagno,
Auras coucha la malamagno
E lis angouisso e li trebaus,
E mountant au soum de la la Glòri
Ma Raço, gardaras memòri
Dóu Lausié d’Arle e de d’Arbaud.
 

Siessanto an a près la mort de Jóusè d’Arbaud, la Counfrarié di Gardian de Sant Jòrgi es fièro de faire partido d’aquéli que « gardon memòri ». Aquelo de Mistral, de nosto lengo prouvençalo, sèmpre en bousco de recouneissènço, emai « dóu Lausié d’Arle, e de d’Arbaud… ».

Le même jour : Fête des Gardians 2010

dimanche 2 mai 2010, par Eric Blanc
©Eric Blanc, 2013
| Contact | Les nouveautés | Plan du site | Mentions légales | Suivre la vie du site RSS 2.0